ابڙو اڪيڊمي Abro Academy
2020-07-08
داخلا نمبر 482
عنوان باز (ڄانگھو)
شاخ پکي
پڙهيو ويو 370
داخلا جو حوالو:
ڄانگهو باز Long-legged Buzzard / Buteo rufinus /
ڄانگهو باز Long-legged Buzzard / Buteo rufinus /
ڄانگهو باز Long-legged Buzzard / Buteo rufinus /
باز (ڄانگھو)
باز جي هن قسم جا نر ماد تقريباّ هڪجهڙا ٿين ٿا. Buteo باز جا ڪافي قسم ٿين ٿا جن جا رنگ به مختلف آهن. انهن مان هڪ اهم قسم Common Buzzard /Buteo Buteo/ آهي جنهن کي ماکير چوندا آهن. انهن ۾ ماديءَ جو قدبت نر کان وڏو ٿئي ٿو ۽ منجهن رنگن جا ٽي مرحلا هوندا آهن. جن ۾ هلڪو، گهرو ۽ ڳاڙھسرو اکروٽي مرحلا ٿين ٿا. اهو سڄي يوريشيا ۾ پکڙيل آهي. ڪاٺين ۽ وڻن جي پاڙن سان وڏو آکيرو ٺاهي ٿو، آکيرو پيالي وانگر هوندو آهي. آکيرو ڄڻڪ وڻ يا پهاڙ جي ڪنڌيءَ سان ٻڌل هوندو آهي. ماکير گهري رنگ واري مرحلي ۾ وڏي سرڻ جهڙو ٿئي ٿو پر ان جي چهنب ڪاري ٿئي ٿي.
Buteo rufinus باز جا رنگ به بدلجندا رهن ٿا پر ان جون ٽنگون، پُڇ ۽ پـَرَ ڊگها ٿين ٿا. ڇاتيءَ وٽ رنگ هلڪو ٿئيس ٿو . پيٽ جو رنگ گهرو، اندرين کنڀن جو ٻاهريون حصو اڇو ۽ ڪنارِي ڪاري هوندي اٿس، جيڪا اڏامڻ مھل صاف نظر ايندي آهي. ھي باز ماحول : 3 ۾ رھندو آھي